Çək bəla bəzmi ara başına bir sağər oğul
Yeri bismilləh ayaq saxlama cəngavər oğul
Bilirəm öldürər axirdə məni hicranın
Çək üzündən saçını Əkbər olum qurbanın
Eləyim yol boyu təkrar yüzün Qur’anın
Ayə-ayə bilirəm gərçi onu əzbər oğul
Mən çəkən qüssəni əsla çəkə bilməz hər ana
Olmasın mən kimi aləmdə görüm müztər ana
Səbr ü taqətdə əgər yoxdu mənə bənzər ana
Yox cəsarətdə şücaətdə sənə bənzər oğul
Bu qoşun gözləmədi hiç sənin hörmətüvi
Əsli napakdı bəs bəsləmədi rəğbətüvi
Bu özünbilməz olanlar nə bilə qiymətüvi
Ey şücaətdə Əli hüsndə Peyğəmbər oğul
Ananı etmə pərişan dur ayağə ey igid
Dur olum qəddüvə qurban dur ayağə ey igid
Qalx qiyamət qopa əl’an dur ayağə ey igid
Kərbəla ərsəsin et mə’rəkeyi-məhşər oğul
Bu od olmazmı görən sonda gülistani-Xəlil
İki dünyadə edə düşməni Allah zəlil
Bu Mina Hacərə qaytarmaz oğul İsmail
Başuvu aqibət ey vay kəsər xəncər oğul
Şahlər qorxu ilə gəldiyi an məhşərə kaş
Beytiya həzrəti-Leyla o cənab Əkbərə kaş
Səni həm tapşıraraq söyləyə ol Sərvərə kaş
Qapımızda bu üzü qarə olub nokər oğul
Maşaallah Allah əcr versin