Azər Ərzinin lüğəzinə İmran Beytinin cavabı

LÜĞƏZ (Tapmaca)

Azər Ərzi:

Bir aşiqdir, tökər göz yaşı qarə,
Qoyar iz bir nigarın ağ üzündə.
Edər hal əhli qəlbin parə-parə,
Yatar min illərin dərdi izində.

Məkanı gahi torpaq, gəh səmadır,
Qamışdır gahi ol, gahi lələkdir.
Onun ərbabı çün əhli-vəfadır,
Söz əhli dəstinə daim bəzəkdir.

Qılım bir raz üçün ərzi-xitabi,
Müəmma mən dedim, sən ver cəvabi.

CAVAB

İmran Beyti:

Qara yazı qara gündür fələkdən
Sevincdir söhbəti gahi ələmdir
Əlin çəkməz başın kəssən ətəkdən
Dedigin Ərziya məncə qələmdir