Zülfün altında Əli təl`əti-ziba görünür
Dəşti-eyməndə yenə nuri-təcəlla görünür
Zülfün at yanə Əli ta görə bu firqeyi-kur
Yazılub müshəfi-ruyində necə ayeyi-nur
Dərk edər bu yüzi həm çeşmi-mələk dideyi-hur
Bəs ki bu vəchi-Xuda məzhərül-əsma görünür
Ey şücaətdə Əli hüsndə həm Peyğəmbər
Xəlqən ü xülqən ü məntiqdə Rəsulə məzhər
Sureyi-iqtərəbəs-saətü vənşəqqə qəmər
Kakilün arizin üstündə hüveyda görünür
Ruy ü muyindir oğul şəmsi-züha leyli-düca
Oxuyur cəbheyi-pakin fətədəlla və dəna
Qabə qövseyn qaşunda yazılub öv ədna
Kakilin hər teli bir leylətül-əsra görünür
Qoy dolansın başına Leyliyi-biçarə oğul
Qoyma bu çöldə məni-bikəsi avarə oğul
Firqətində geyərəm mihnət ilə qarə oğul
Bu vidaində sənin həsrəti-Leyla görünür
Getmə bu ərsəyə ey sərvi-gülistani-Xəlil
Xəncəri-zülm ü sitəmlə səni eylərlə qətil
Bən bu gün Kərbübəla Hacəri sən İsmail
Bu cəbinindən əyan rəmzi-fədəyna görünür
Nazil eylübdi Xuda Cəddin içün Kaf ilə Ha
Məqsədi-Kərbübəla vaqieyi-Aşura
Zəkəriyyadən ibarətdi bu Şahi-şühəda
Sən də şə`ni-bi ğulam ismuhu Yəhya görünür
Hərəm ahusinə bu qövm vurar silsilə qeyd
Əhli-Kufə oxuyub ayeyi-la təqtulu seyd
Hörməti-mahi-Mühərrəm götürüb ali-übeyd
Xəsmi-Qur`andı bular düşməni-Taha görünür
Kərbəlanın Zəkəriyyasinə Yəhyasən Əli
Neynəva Məryəmi Leylayə Məsihasən Əli
Sureyi-Kövsər ü əl-Fəcrdə mə`nasən Əli
Əsğərin şə`ninə əl-məhd səbiyya görünür
Hər Mühərrəmdə edər bəzmi-əza çidə Fəqir
Qeydi-ğəmlərdə giriftari-bəladidə Fəqir
Qoyma olsun ey oğul həşrdə rəncidə Fəqir
Gülşəni-matəmə bir bülbüli-şeyda görünür
Fəqir Ordubadi (q.s)
Şərh Yaz